
Eple - Vetle - Podekvist
Historie: Historia til denne sorten er ikkje kjend. Ved genotyping er ein av foreldra til Vetle i samlinga på NJØS identifisert til å vera Guldborg. Den andre foreldresorten er ikkje identifisert, men ved samanlikning mot ein internasjonal database fann ein at ein aksesjon ved Pometet i Danmark under namnet Tyra Matthiesen truleg er ein foreldra til denne. Ploidi: Sorten er diploid. Blømingstid: Tidleg til middels tidleg bløming (mellom Discovery og Aroma) Haustetid: Tidleg til middels tidleg…
Kun for medlemmer
135 kr
Dette produktet selges bare til medlemmer av KVANN. Som medlem får du også medlemspris på mange andre frø.
Prisene er inkl. 0 % mva. Frakt kommer i tillegg og velges i kassen.
Om produktet
Historie: Historia til denne sorten er ikkje kjend.
Ved genotyping er ein av foreldra til Vetle i samlinga på NJØS identifisert til å vera Guldborg. Den
andre foreldresorten er ikkje identifisert, men ved samanlikning mot ein internasjonal database
fann ein at ein aksesjon ved Pometet i Danmark under namnet Tyra Matthiesen truleg er ein
foreldra til denne.
Ploidi: Sorten er diploid.
Blømingstid: Tidleg til middels tidleg bløming (mellom Discovery og Aroma)
Haustetid: Tidleg til middels tidleg (litt før Aroma)
Blad: Lange, middels breie til breie, høgt lengd/breidd-høve (ca. 1,7), bladrand er rundtanna og
ofte dobbelt rundtanna.
Blom: Middels stor til stor, griflar er som oftast lenger enn pollenberarar, dels mykje lenger,
kronblad rører ved kvarandre og kan delvis overlappe kvarandre, undersida av kronblad i ballong
er mørk rosa eller fiolett.
Frukt: Middels stor til stor, valseforma til avstumpa kjegleforma, med karakteristisk vid,
skålforma begerhole, beger ope eller halvope, stilk kort og tjukk, som regel kjøtfylt, dels med
kjøtbulk, gul til grøngul grunnfarge, litt utvaska rosa dekkfarge mot beger på solsida, stundom så
vidt litt korkrust i stilhola, kan sveitte litt, fruktkjøt kremfarga, kjernehusrom er opne mot aksen.
Kjelder:
Liv Gilpin og Nick Howard (pers. komm.).
Her tingar du ein (1) podekvist, du kan regne med ca 4 brukbare auger på kvar podekvist, så om alt slår til kan du ende opp med fire nye epletre. Du må og pode på noko; eit epletre du allereie har, ein frøstamme av eit eplefrø, eller ein grunnstamme til eple. Du kan og pode på rogn, men treet vil ikkje alltid tåle vinteren. Du finn eit utval av grunnstammar i nettbutikken her. Du finn og voks, strikk og etikettar samla i “podepakkar”, og podeknivar.
Dette er ei førehandstinging. Det blir no teke prøver som blir sendt til virustesting. Om det blir funne virus så får du ingen kvist, men du får refundert kostnaden. Det kan og hende at treet ikkje leverer like mykje podekvist som vi håper på, då prioriterer vi tingingane etter kven som var først. Vi set ei maksgrense på 2 kvistar av kvar sort til kvar person. Om du tingar meir enn det, og det er mangel på kvistar ,så endrar vi utan varsel før betalinga blir trekt.
Kvist og grunnstammar blir pakka på dugnad i Finnskogen helga 5.-7. mars. For at vi skal klare å få til dette er vi avhengig av at flest muleg bidreg der. Det vil ei helg med spanande program fokusert rundt skogshagar og skogfinsk kultur. Meld deg på her (skriv i kommentarfeltet om du kun blir med på dugnad): Påmelding til vårsamling i Finnskogen 5.-7. mars 2027 – Fill out form


