Podekvist Eple: Signe Tillisch

Dansk sort, oppkalla etter dottera til Kammerherre Tillisch, som skal ha ala fram sorten i 1866. Sorten kom i handel i 1889, og vart planta i Noreg i større omfang frå 1900, især austpå og sørpå. No ganske sjeldan.

Treet er kraftigveksande, og får brei krone. Byrjar å bæra middels tidleg, og får etterkvart middels god avling. Har tendens til vekselbæring, og vert lett råka av skurv og frukttrekreft.

Frukta er middels stor til stor, og somme tider særs stor. Avrunda kjegleforma, litt flattrykt, og alltid breiare enn det er høgt. Grønngul til gul grunnfarge, med ofte svak orangeraud dekkfarge på solsida.